Sok sanajajan teu sakabeh ahli medis ngaku ka jasa tukang urut, tapi loba masarakat anu butuh ku jasana. Hamper sakabeh tukang olahraga ngaku yen tukang urut nganggap hiji bagian anu teu bisa dipisahkeun tina lalakon hirupna, timimiti juara RT-an nepi ka juara Dunia pasti ngalaman make jasa tukang urut. saperti
Sanajan tukang urut can diaku jadi pagawean - buktina can aya nu dina KTP-na Pekerjaan: tukang urut, aya oge nu dina KTP -na Pekerjaan Terapis, kasab sarua tapi rejeki beda. Eta nu ngabedakeun tukang urut jeung terapis. Tapi sanajan kitu aya hiji hal anu jadi “bahan pemikiran” ngeunaan hasil panalungtikan tukang urut anu kasimpulanamah tina hasil panalungtikannateh : Sabagian gede masarakat urang keuna ku panyakit “Pegat Urat Kaera”. Panyakit ieuteh tambah taun tambah loba nu katarajang ku panyakit “Pegat Urat Kaera”. Malah anu matak pi kahariwangeun, eta panyakiteh datangna teu kanyahoan timana mimitina jeung urang mana anu mimiti kaserangna, malah deui ceuk eta panalungtikan panyakit teh leuwih luhur jabatan, leuwih parna jeung bahaya kaserangnateh, beda jeung jalma leutik, leuwih leutik deui resiko kaserangna. Malah panyakit Pegat Urat Kaerateh lain ngan ukur ka jama nu boga jabatan wungkul malah ayeunamah geus nerkab ka dunya kaartisange.Lamun ditilik tina gejalana, dihandap ieu ciri-ciri jama nu keuna ku Panyakit Pegat Urat Kaera :
1. Kandel Kulit Beunguet : kandel kulit beunguteh lain hartina lintuh bayuhyuh tapi ieumah babasaan hungkul.
2. Asa Aing Pang Akangna : Lain pedah turunan pangkolotna tapi Aing kudu leuwih ti batur, da buktina aya anu kaserang ieu panyakit umurna kakara 30 taun tapi kakayaan nana 76 miliar barijeung teupuguh ladang nanaona.
3. “Jauh ka bedug anggang ka dulag”,
4. Teu inget ka umur : asa aing bisa, asa aing boga, teuinget ka temah wadi
Jeung rea deui ciri ciri na the, ngan lamun geus ngarasa diri urang kaasup kana opat ciri diluhur mangka iatna bisi urang geus katepaan panyakit Pegat Urat Kaera. Masih ceuk eta panalungtikan tukang urut aya sababaraha cekel gawe anu ber-resiko tinggi keuna ku panyakit diantarana :
1. Pajabat : lain ngan ukur pajabat pamarentah tapi sakabeh pajabat resikona gede katepaan ku ieu panyakit.
2. “Artis”
3. Politikus
4. Pengusaha jrd.
Tapi ieumah ngan ukur panalungtikan tukang urut anu ngan apal kana palebah nyasaran urat, bener jeung henteu namah teulangkung palebah mana ngamaknaana.
